Sentral godkjenning er ei frivillig godkjenningsordning
Føretak som er sentralt godkjente har kompetanse, erfaring og system som er tilpassa deira aktivitet i byggenæringa. Desse føretaka kan dokumentere at dei har
- riktig kompetanse og erfaring frå fagområdet
- kvalitetssikringsrutinar
- betalt skatter og avgifter
Som valfri tilleggsinformasjon kan føretaket opplyse at det er godkjent som opplæringsbedrift og at det har ein forsikringsordning for dei tilsette.
Les meir om sentral godkjenning her
Sentral godkjenning blir administrert av Direktoratet for byggkvalitet
Sentral godkjenning er ei frivillig ordning. Føretaka som er tekne opp i ordninga, har søkt Direktoratet for byggkvalitet om godkjenning og dokumentert at dei fyller krava.
Målet med godkjenningsordninga er at ho skal bidra til å fremje kvalitet og seriøsitet blant alle aktørar i byggenæringa. Det er straffbart å misbruke merket.
REST-API for sentralt godkjente føretak
I tillegg til SGregister som ei nettside for søk etter føretak med sentral godkjenning, har vi òg etablert eit REST-API som kan brukast til å raskt slå opp og hente inn data frå registeret. Målgruppa for dette API-et er datasystem og nettsider som ønskjer å sjekke om eit føretak har sentral godkjenning. API-et er ope og gratis tilgjengeleg for alle som ønskjer å bruke det. Systemeigarar treng ikkje å registrere bruken sin hos Direktoratet for byggkvalitet. Vi oppmodar likevel brukarar til å ikkje lagre data frå registeret permanent, men heller bruke API-et til direkte eller jamlege oppslag.
API-et “SGregister – Register over foretak med sentral godkjenning“ ligg i Felles datakatalog, og består av to versjonar. Versjon 1 returnerer data om eitt føretak dersom det har sentral godkjenning, og versjon 2 returnerer data om alle føretak som har sentral godkjenning.